Back Camins de Sant Jaume a França Catalan Poutní místa do Santiaga de Compostely ve Francii Czech Routes of Santiago de Compostela in France English Jakobaj Vojoj en Francio Esperanto Caminos de Santiago de Compostela en Francia (Patrimonio de la Humanidad) Spanish Donejakue bideak Frantzian Basque Chemins de Compostelle en France French Strade francesi per Santiago di Compostela Italian フランスのサンティアゴ・デ・コンポステーラの巡礼路 Japanese Pelgrimsroutes in Frankrijk naar Santiago de Compostella Dutch
L-UNESCO ddeżinjat ir-Rotot ta' Santiago de Compostela fi Franza bħala Sit ta' Wirt Dinji f'Diċembru 1998 abbażi ta' tliet kriterji tal-għażla: il-kriterju (ii) "Wirja ta' skambju importanti ta' valuri umani, tul perjodu ta' żmien jew fi ħdan żona kulturali fid-dinja, dwar l-iżviluppi fl-arkitettura jew it-teknoloġija, l-arti monumentali, l-ippjanar tal-bliet jew id-disinn tal-pajsaġġ"; il-kriterju (iv) "Eżempju straordinarju ta' tip ta' bini, ta' grupp ta' siti jew ta' pajsaġġ arkitettoniku jew teknoloġiku li joħroġ fid-dieher stadju/i sinifikanti fl-istorja tal-bniedem"; u l-kriterju (vi) "Assoċjazzjoni diretta jew tanġibbli ma' avvenimenti jew ma' tradizzjonijiet ħajjin, ma' ideat jew ma' twemmin, jew ma' xogħlijiet artistiċi jew letterarji ta' valur universali straordinarju".
Ir-rotot jgħaddu mir-reġjuni ta' Franza li ġejjin: Aquitaine, Auvergne, Basse-Normandie, Bourgogne, Centre, Champagne-Ardenne, Ile-de-France, Languedoc-Roussillon, Limousin, Midi-Pyrénées, Picardie, Poitou-Charentes, u Provence-Alpes-Côte d'Azur. L-UNESCO tqis li l-valur universali straordinarju tas-sit jinsab fir-rwol li r-rotot kellhom fl-"iskambju reliġjuż u kulturali", fl-iżvilupp ta' "binjiet speċjalizzati" tul ir-rotot, u fix-"xhieda eċċezzjonali tagħhom tas-setgħa u tal-influwenza tal-Kristjaneżmu fost in-nies ta' kull klassi tas-soċjetajiet u tal-pajjiż Ewropej fil-Medjuevu".[1]
L-UNESCO ddeżinjat 71 struttura tul ir-rotot tal-pellegrinaġġ u seba' mogħdijiet min-network ta' mogħdijiet magħruf bħala Chemin du Puy. Il-biċċa l-kbira tal-istrutturi huma monumenti, knejjes jew ‘sptarijiet' li kienu verament sptarijiet jew inkella kienu qishom bereġ li joffru servizzi lill-pellegrini fi triqithom lejn Santiago de Compostela fi Spanja. Uħud mill-istrutturi huma postijiet ta' pellegrinaġġ fihom infushom, filwaqt li strutturi oħra jinkludu xi torri, pont jew bieb prinċipali ta' belt.[2]
- ^ ""Routes of Santiago de Compostela in France". UNESCO" (bl-Ingliż). Miġbur 2021-02-13.
- ^ ""Routes of Santiago de Compostela in France (maps)". UNESCO" (bl-Ingliż). Miġbur 2021-02-13.